As you say na you get mouth pass

Demsay Lil Kesh dey ask why him no dey get Endorsement Deal…Hmmmm!

Lilkesh Aka Skiborobo skibo Oshey Baddest…Dey ask why him no dey get endorsements like him mate dem even as him don release five Ogbona feli feli tracks for the industry

Demtok say na why him commot Olamide label,sake of say according to am “Who u epp” for endorsement to Olamide.

Mr Kesh, so you think Glo or MTN or Peak or Ribena will give you a deal when ALL you sing about is ghetto stuff?

Wetin dey baffle us be say,Baba Kesh, you feel say MTN,Etisala,Glo or even Gala go give you deal wen all wetin you dey sing about na Nyash,Igbo(Marijuana) and Gbese(Debt)? You sef reason am naa.

Baba Kesh,abeg rebrand yasef,becos even patorankin wey sell kpekere(plantain chips) for streets,stay for AJ city (Ajegunle) don “Packayg” tey tey like say him from Jamo(Jamaica)
Long story short baba “ Pakayg ya Markayt”

If na you be the teacher,how you go take mark dis children paper?

If na you be the teacher,how you go take mark dis children paper?

If na your student or worse, Na your pikin ansa question like dis for school,abeg how you go take deal with am?

Demsay dem catch one Naija man for Malay Aka Malaysia with plennntyyyy Igbo,Gbana,Drugs wey e hide inside ceramic horse dem.

Na on Thursday Olopa of Malaysia dem arrest one Nigerian man wey hide drugs in 7 horse skulputure.

The 28 year old man enter this gbege wen police come plug am commot for him house around 3pm for one Taman Prima Tropika,Seri Kembangan for Malay there.

The director by name Bukit Aman, Comm Datuk Seri Mohd Mokhtar Mohd Shariff talk say the naija guy carry reach 12.1kg wey the man package inside the horse dolly dem.

Demtoksay na from china dem carry the many many drugs dem come from, and the Naija guy get correct passport wey him don dey use for this business tey tey since 2014

The Olopa demsay this our guy dey with one group wey don dey move tinz enter Malay and many other Western countries dem.

Demsay dem dey use water filters, women handbags, ink cartridges and portable air conditioners take transfer this tinz O! Say dem go hold the Naija guy for 14days to take question am with dem laws under Section 39B of the Dangerous Drugs Act 1952.

Source: New Straits Times

Demsay many many people fit don die for one complex wey collapse for Abeokuta Ibadan.

Demsay many people fit don die for one four-story shopping complex wey dem bin still dey build for Itokun inside Abeokuta,Ogun State early morn morn day before yesterday.

Demsay na Ogun state Government dey build this shopping complex O! Demtoksay People dem around the community don join hand dey try help commot people wey dey trap inside the building…God Help them,as we go dey pray for Dem.

Nigeria’s Economy Dey Do Like Dis – Hon. Member House of Reps Gudaji Kazaure (Jigawa State)...Nawa O! LoL!

Wizzy wizzy Aka Star boiz Celebrate him pikin Boluwatife byday today, him show us say him love him pikin well well as e advertys for media today with him baby mama Sola Ogudugu.

                                          Nice one Wizzy #OluwaBless

For the people dem wey no believe say Beyonce don go do “Nyash” enlargment surgery….look the foto below well well, Natural “Nyash” no fit get that kyn shape lie lie!

 Demsay as Beyonce launch her new album,na so she also launch new “Nyash” na one ogbonge source for obodo oyinbo first notice am come take pictures for evidence for una to see.

If na we own “African Nyash" now, no wahala….but babe, this one na added tinz biko.

CAF Don Nack Naija $5,000 fine say we pack pack people full stadium like garri for AFCON qualifier

At first when we see this pishor,we think say na the $5,000 wey dey the caption dey untop the structure.

But on be so O,na Kaduna State government open doors yakata for everybody to enter for free during AFCON 2017 Africa Cup of Nations qualifier against Egypt for Kaduna,wey end 1-1. CAF nack Nigerian Football Federation $5,000 fine for gross misconduct….Nawa o!

Late legendary singer James Brown pikin don enter another police gbege!

Demsay Vanisha Brown,one of late legendary singer James Brown pikin who don enter many police gbege many times over many tinz and even drugs, don enter another one again. We hear say dem say she don HIGGHHHhhhh! Well well on kpuuf wey dem dey call crystal meth.

For 2014, Vanisha don enter police gbege 24 times!

Na God we pray to say she fit find better help,because true true….she need am.

Dem Say Janet Jackson first husband don burst confession say him and janet born pikin wey dem give away for adoption.

One Ogbenge source wey dem call rader online do interview with Janet first husband by name James DeBarge, weyt him confess say janet born pikin for am.

Him say one young woman contact am via email about two years ago for the first time say she ne him and janet pikin. The young woman say she no mind do paternity test,but him mind no carry the matter, so therefore e never happen.

Oga james say him dey fear because him never meet the woman face-to-face before.

This young woman give accurate account of things wey don happen tey tey and wetin only baba God,himself and janet know alone. She say she no want make anybody know say she contact am.

Oga james come talk say na through the emails him him find out say janet allegedly put their daughter up for adoption.

She talk say her adoptive mother die,and for her deathbed tell her say she na janet and james pikin.

James say him suspect say Jackson get pikin for am and after long search without luck,him free the matter.

Aunty Janeti!